Ժողովրդի Հոգին
Գլուխ 2: Ժողովրդի Զգացմունքներն ու Բարոյականությունը
Ժողովրդի հիմնական հատկանիշներն են՝ հանկարծակիությունը, գրգռվածությունը, չմտածելը, քննադատական մտածողության բացակայությունը, չափազանց զգացմունքայնությունը։ Այս հատկանիշները հիշեցնում են այն էակներին, որոնք գտնվում են էվոլյուցիայի ավելի ցածր մակարդակի վրա, ինչպիսիք են՝ կանայք, վայրենիները և երեխաները։
Ժողովուրդը հիմնականում ղեկավարվում է անգիտակցական զգացումներով։ Նա արագ է արձագանքում արտաքին ազդակներին և հաճախ գործում է առանց մտածելու։ Ժողովուրդը կարող է դառնալ դաժան, բայց նույնքան արագ էլ փոխվել և մեծ առատաձեռնություն ցույց տալ։ Նրա գործողությունները միշտ կախված են տվյալ պահի զգացումներից։ Ժողովուրդը նման է տերևներին, որոնք քշվում են քամու կողմից։
Ժողովրդին շատ դժվար է կառավարել, որովհետև նրա ցանկությունները շատ արագ են փոխվում։ Նա կարող է մեկ պահի լինել չափազանց բարկացած, իսկ հաջորդ պահի՝ հանգիստ։ Եթե որևէ խոչընդոտ առաջանա, ժողովուրդը կարող է արձագանքել զայրույթով։
Հասարակության տարբեր մասերում ժողովուրդը տարբեր կերպ է դրսևորվում։ Օրինակ՝ լատինական և անգլոսաքսոնական ժողովուրդները տարբեր կերպ են արձագանքում նույն իրադարձությանը:
~ Կարոլինա Եսայանի ուսումնական բլոգ ~ 