Հավասարությունը այն սկզբունքն է, որ բոլոր մարդիկ պետք է ունենան նույն արժեքն ու իրավունքները՝ անկախ իրենց ազգային, սոցիալական, կամ անձնական առանձնահատկություններից։ Այն հիմք է հանդիսանում արդար և կայուն հասարակություն ստեղծելու համար։ Եթե մարդիկ ապրում են հավասարության պայմաններում, նրանցից ոչ ոք չպետք է զգա, որ իր նկատմամբ անարդար վերաբերմունք կա։
Իրավահավասարությունն այն է, երբ բոլոր մարդիկ օրենքի առջև ունեն նույն իրավունքները և պարտականությունները։ Օրենքը պետք է կիրառվի բոլորի նկատմամբ առանց խտրականության։ Օրինակ՝ եթե երկու մարդ կատարում են նույն աշխատանքը և ունեն նույն որակավորումը, ապա նրանք պետք է ստանան նույն աշխատավարձը՝ անկախ սեռից կամ ազգային պատկանելությունից։ Երբ երկրում գործում է իրավահավասարություն, ապա մարդիկ վստահ են, որ իրենց իրավունքները պաշտպանված են, և նրանց նկատմամբ անարդար վերաբերմունք չի լինի։
Սոցիալական հավասարությունը ևս կարևոր արժեք է հասարակության կայուն զարգացման համար։ Այն նշանակում է, որ բոլոր մարդիկ պետք է ունենան հավասար հնարավորություններ կրթություն ստանալու, բուժօգնությունից օգտվելու և աշխատելու համար։ Օրինակ՝ յուրաքանչյուր երեխա, անկախ իր ընտանիքի սոցիալական կարգավիճակից, պետք է ստանա որակյալ կրթություն, որպեսզի հետագայում կարողանա զարգացնել իր կարողությունները։ Եթե հասարակությունում սոցիալական հավասարություն չկա, ապա որոշ մարդիկ կարող են ունենալ անբավարար պայմաններ, ինչը խոչընդոտում է նրանց զարգացմանը։
Հավասարությունը կարևոր արժեք է, որը պետք է պահպանվի յուրաքանչյուր հասարակությունում։ Եթե մարդիկ ունենան հավասար հնարավորություններ և իրենց նկատմամբ արդար վերաբերմունք, ապա կկարողանան ավելի լավ ապրել, զարգանալ և նպաստել երկրի առաջընթացին։ Հավասարության սկզբունքը պետք է պահպանվի ոչ միայն օրենքով, այլև մարդկանց մտածելակերպում, որպեսզի հասարակությունն ավելի արդար ու ներդաշնակ լինի։
~ Կարոլինա Եսայանի ուսումնական բլոգ ~ 